Traballos

Desenvolvo planes estratéxicos para administracións públicas e organizacións independentes, tanto artísticas como culturais. Coordino proxectos culturais e artísticos. Desenvolvo proxectos de investigación, curadoría e comisariado e fago procesos participativos. Ademáis, en diferentes momentos da miña vida profesional, traballei na administración pública- tanto a nivel local coma autonómico- nos ámbitos da cultura, a arte, a participación e a innovación democrática.

A través de metodoloxías colaborativas, deseño e dirixo proxectos de innovación social e cultural con carácter sectorial ou temático. Comisario e asesoro a organizacións públicas e independentes para o deseño e dirección de proxectos culturais e ou artísticos vinculados coas comunidades locais e ou sectoriais.

Desenvolvo labores de investigación a nivel artístico, cultural, de participación e innovación social para diferentes ámbitos de coñecemento e práctica.

Deseño e desenvolvo procesos de mediación con comunidades afectadas, interpeladas ou interesadas en diferentes temáticas, tanto para organizacións independentes como para institucións públicas.

Ao longo de diferentes etapas da miña vida profesional tiven responsabilidades na administración pública, tanto no ámbito local coma no autonómico. Esta experiencia proporcionoume unha perspectiva moi completa á hora de abordar diferentes proxectos, tanto pola mirada e o coñecemento institucional como pola ollada de axente independente.

Deseño e desenvolvo procesos participativos como un mecanismo de ampliación democrática e de implicación da cidadanía e a veciñanza nas decisións públicas.