Proceso participativo encargado polo Concello de Oza-Cesuras co apoio da Reserva da Biosfera Mariñas-Betanzos para a definición de usos do Sanatorio de Paraxón, un proceso dirixido a toda a veciñanza de Oza-Cesuras que se desenvolveu durante seis meses e que concluíu cun informe de proposta de usos e xestión do recinto.

O meu traballo foi deseñar un proceso de participación para a veciñanza da zona, a comunidade educativa, os axentes sociais e os axentes da Reserva da Biosfera vinculados ao territorio; ademais da produción e realización de todos os encontros, xuntanzas, entrevistas e actividades do proceso, así como da organización dun proceso de devolución con todos os axentes participantes. Para este proxecto contei coa colaboración do arquitecto Iago Carro, de Ergosfera.