Proxecto de pensamento e práctica vinculado ás artes vivas no territorio iberoamericano. Un proxecto itinerante, impulsado polo Mercat de les Flors de Barcelona, que dirixo entre os anos 2010 e 2015 e que se leva a cabo no Museo Nacional Reina Sofía de Madrid, na Alhóndiga de Bilbao, na Illa de San Simón en Galicia, no Espacio de Cultura Contemporánea (ECCO) de Cádiz e en NAVE de Chile.

MOV-s é un proxecto de innovación social, de carácter colaborativo, que impulsa transformacións nos modos de operar do sector de danza no espazo iberoamericano a través de intercambio de información, da acumulación de saberes, a realización de talleres, conferencias, charlas, espazos informais de encontro, programacións artísticas, arquivos e publicacións.

O meu traballo é deseñar o proxecto de forma colaborativa a través de máis de 75 entrevistas internacionais, dirixir a todo o equipo, buscar fondos para o seu desenvolvemento, deseñar os contidos e desenvolver un programa artístico en colaboración con institucións internacionais, estatais, autonómicas e locais. Na edición de Galicia desenvólvese unha curadoría colectiva cun proxecto deseñado, coordinado e curado por un colectivo dunhas 30 persoas.

• Descarga aquí o programa do seminario celebrado en Bilbao.
• Descarga aquí o programa do seminario celebrado en Galicia.